Comme 'e sarracine - Rodolfo Fiorillo video free download

'Nu vecchio piscatore

c'a' faccia nera 'e sole

e ll'uocchie chiare, chiare

allonga 'a mane è a'nfonne 'a mare

e comme ha fatte sempre se fà 'a croce

primma d'ascì cc' 'a varca fore

'o ffà pecchè ormai s'è abituato

è ggià paricchio tiempo che ssò sulo varchiate.

....E in nome del Padre e ggià 'jastemma

a mano è sporca e nun s'arrenne

o' ssape ch'è nafta fetente

e in nome del Padre e del Figliuolo

va trova qualu' juorno 'e chisto

'o Pataterno manna 'a ''Cristo''.

Oi Cristo guarda ccà

che schifo 'e umanità

'sta gente pe' denare

che s'è fidate 'e fà

'Stu mare mo' che d'è!?

Si steva mmane a te

chesta munnezza cà ce stà

erano pisce pe' magnà !

E comme 'e sarracine

qu 'e facce nere nere

venevano d'o' mare

a ce' arrubba 'e figlie 'a mane.

E comme succedeva 'a cchiù 'e mill'anne

'stu ''nnire'' ccà, ce stà accedendo !

....Guagliò pienzece tu, puorta' 'sta varca.

'Sta varca mo' che và

sicura 'mmane 'a te

chesta munnezza ccà

llià sule pulezzà

'stu mare, po' sarrà

'o munno ca vuò tu !

Cchiù blù d'o cielo quanne è blù

cchiù blù d'o cielo quanne è blù

Testi di R. Fiorillo - G. Giglio

Musiche di R. Fiorillo