Avutammela a tarantella - Rodolfo Fiorillo video free download

Avutammela a tarantella

cu' stu cielo senza 'na stella

pe' chi parte e pe' chi torna

pe' chi sape ca tene 'e corna.

Chi pensasse sulo all'ammore

notte e juorno e a tutte ll'ore

nun sbagliasse maie 'na vunnella

comm' è bella sta tarantella !

Jamme jà ! Ma chi è ca cumanna 'ccà !

Jamme jà ! Ma pecchè nun se po' cagnà !

Nord e sud ma che 'nzalata

e facimmela 'na 'mmiscata

janche russe....verde e gialle

'jamme a funno o stamme a galla ?

Io nun ballo pe' abballà....

io stò miezzo pe' vedè...

Quando poi tocca a te

chistu ballo ch'effetto fà ?

Nun ce voglio penzà !

Tarantella torna abballà !

Mo nun saccio chi è cchiù cuntento

ma pigliammela alleramente.....

Saccio sulo ca sta' 'nguaiato

chi 'a cammisa se l'ha 'mpignata....

'Sti 'mbruglione cu' 'e facce oneste

chesta è gente da casa nosta

piglia tutto e vo' pure 'e riesto

manco 'a morte s'è porta appriesso !

Se !....Se !....Se ! Ma nun cercano nu pecchè

Se !....Se !....Se ! Ccà nisciuno se fà vedè !

E che musica paesana

comm' è bello chist' italiano

cagna accordo ma è sempre 'o stesso

primma arrobba e po' vo' 'e permesso !

Io nun ballo pe' abballà....

io stò miezzo pe' vedè...

Quando poi tocca a te

chistu ballo ch'effetto fà ?

Nun ce voglio penzà !

Tarantella torna abballà !

Ccà 'e parole s'è porta 'o viento

gira e avota nun resta niente

si nun passa chesta nuttata

nun fernesce cu' 'na resata

nord e sud ma che 'nzalata

e facimmece 'na 'mbriacata

si 'mmiscamme o brutto e 'o bello

e' cchiù bella 'sta tarantella !

Jamme jà ! Ma chi è ca cumanna 'ccà !

Jamme jà ! Ma pecchè se po' campà !

Testi di A. Ambrosino

Musiche di R. Fiorillo

Arrangiamento : R. Cini

Batteria : M. Buzzi

Basso : F. Pignatelli

Chitarre : L. Ciccaglioni

Tastiere : R. Cini

Percussioni : Giordanella

Violino solista : T. Fornai

Fisarmonica : A. Coggio