...E t'arricuorde ?
'Na funtanella fresca comm' 'e rose,
ll'ammore c'arrubbava e primme vase
....e 'na campana
ca ce scetava senza cercà scusa,
....e quanno m'aspettave fora 'a chiesa!
....E mo' che pienze ?
Era cchiù bello ajere 'miez 'o grano....
...spugliate e d'oro
o 'sta città ca nun ce da' respiro !
....E t'arricuorde ?
Quanno cercave ancora nu dimane
quanno ll'ammore... era cchiù doce...
....e tu cantave !
Comm' è luntane ajere
mo' simme furastiere !
'Miez' 'a 'sti luce
pe' strade senza verde nè sapore,
maie nu pianino...
....maie nu motivo allegro... 'na canzone...
....'sta folla 'e gente
ca spenne, ogni minuto, nu' penziero
nun sape neanche cchiù chello che crede.
....E tu che ne pienze ?
Mo ca tenimmo...tutto e niente
tu sì felice ?...tu sì cuntenta ?
Che pienze 'e 'sta città
'e 'sta città ca tu sunnave ajere,
ca nun da' nu respiro a chist'ammore ?
Pienze maie nu poco a me ?...
....Suonne maie nu cielo blù ?
Testi di A. Ambrosino
Musiche di R. Fiorillo
Arrangiamento : R. Cini
Arr. Archi : P. Caruso
Batteria : A. Marangolo
Tastiere : R. Cini
Fisarmonica : A. Coggio
Voce donna : Annie
10 years ago
12 years ago
12 years ago