Julen Alonso eta Eneritz Aulestia, 2015eko San Josetako Trikitixa Jaialdian
Herri baten arnas
da kultura
berau goratzea
da jomuga
musika dantza eskultura
edo literatura
badut duda, bihurtu da
zaindu nahi ez dugun hura.
Kulturak sortzen du
interesa,
jantzi nahi duenak
proba deza,
nahiz politikarien ahoz
sarritan eman babesa
dena presa, gora beza
ez da sinesten erreza.
Erritmoarekin
egin salto,
notaz nota goaz
orpoz orpo,
musika matematika ta
sentimendua delako,
milla malko, dugulako
eskolatik erdi kanpo.
Musikari baten
ikasketa,
dago zailtasunez
hain beteta,
herritik kanpora askotan
lagun bakartzat maleta,
milla buelta, erruleta,
gertatu liteke eta.
Musika eskola
degu plaza,
baina ezin jardun
geure kasa,
borondatez antolatzea
ez denez gauza erraza,
txalo jasa, nahi dut pasa
mantentzearren arnasa.