Julen Alonso eta Eneritz Aulestia, 2015eko San Josetako Trikitixa Jaialdian
Trikiti ta pandero ze festa alaia
gure koplekin egin nahi genuke jaia
ai oi ai orain da gara
iñor ez ahaztea da gaur gure nahia
hori izango dugu sorta honen gaia.
Gaixoez oroitzea ekimen noblea
nahiz eta osasuna daukagun gordea
txarra ere sortzen da ordea
denentzat ezta berdin izaten zortea
guztiontzat nahi degu bizitza hobea.
Pertsona askok dute gaitza eta miña
osasuna txartzeak sortzen du eziña
behar da saiakera fiña
guztiei eskeintzeko aukera berdiña
haiekin oroitzea gure ahalegiña.
Ezinduta daudenak zaizkigu inporta
ezin dira ahaztu ta bihotzetik bota
haientzat gure kantu sorta
haientzat gure doinu errima ta nota
gizarteak badauka nahikoa erronka.