SERGIO BRUNI - SCIUMMO video free download

Brano immortale di Bonagura- Concina presentato, senza tanta fortuna, al Festival di Napoli del 1952 e, successivamente, diventato un successo internazionale. La voce di Napoli, il grande Sergio Bruni, lo interpreta in modo divino. Questa è la versione del brano più nota del Maestro ma ce n'è un'altra davvero molto bella che pubblicherò successivamente.

Tu scinne,

sciummo, sciummo, sciummo,

da 'a muntagna...

Io scénno

ca na malasciorte

mm'accumpagna...

E ghiammo, ohé!

Ll'ammore è sciummo ca se perde a mare...

Tu cante:

- Tòcche, tòcche, tòcche -

spaccalegna:

"'A saccio,

nun ce sta na vócca

cchiù sanguégna...!"

E i' scénno, ohé!

Chi perde 'ammore va cercanno 'o mare...

Campana

ca suone 'a copp'a stu cunvento,

tu siente

ch'ha fatto chella faccia 'e santa?

Ajére, 'mbracci'a me, nu svenimento...

stasera vasa a n'ato e se n'avanta!

Oje comme

sona lenta e triste

na zampogna,

ca scénne

- sciummo, sciummo, sciummo, -

da 'a muntagna!...

E ghiammo, ohé!

Ll'ammore è sciummo ca se perde a mare...

E 'nfunn'ô mare s'arreposa 'o core...

Paese

addó' só' nato, io te saluto...

Te veco

llá 'ncimma, sulo e abbandunato...

E io 'nfamo, 'nfamo 'e me, mme ne só' ghiuto...

Te lasso pecché 'ammore mm'ha lassato!

Tu chiagne

quase comm'a n'ommo

ca se lagna...

e i' scénno

- sciummo, sciummo, sciummo, -

da 'a muntagna!...

E ghiammo, ohé!

Ll'ammore è sciummo ca se perde a mare...

e sulo 'o mare fa scurdá ll'ammore...