SERGIO BRUNI - LACREME NAPULITANE video free download

Incisa dai più grandi artisti della canzone napoletana da Merola a Ranieri e, da ultimo, da Sal Da Vinci, questo classico di Bovio - Buongiovanni ha fatto parte del repertorio di Sergio Bruni che ne offre una interpretazione di gran classe ancorché la riproduzione non sia perfetta ma trattasi ormai di un cimelio.

LACREME NAPULITANE

Bovio - Buongiovanni

Mia cara madre,

sta pe' trasí Natale,

e a stá luntano cchiù mme sape amaro....

Comme vurría allummá duje o tre biangale...

comme vurría sentí nu zampugnaro!...

A 'e ninne mieje facitele 'o presebbio

e a tavula mettite 'o piatto mio...

facite, quann'è 'a sera d''a Vigilia,

comme si 'mmiez'a vuje stesse pur'io...

E nce ne costa lacreme st'America

a nuje Napulitane!...

Pe' nuje ca ce chiagnimmo 'o cielo 'e Napule,

comm'è amaro stu ppane!

Mia cara madre,

che só', che só' 'e denare?

Pe' chi se chiagne 'a Patria, nun só' niente!

Mo tengo quacche dollaro, e mme pare

ca nun só' stato maje tanto pezzente!

Mme sonno tutt''e nnotte 'a casa mia

e d''e ccriature meje ne sento 'a voce...

ma a vuje ve sonno comm'a na "Maria"...

cu 'e spade 'mpietto, 'nnant'ô figlio 'ncroce!

E nce ne costa lacreme st'America

a nuje Napulitane!...

Pe' nuje ca ce chiagnimmo 'o cielo 'e Napule,

comm'è amaro stu ppane!

Mm'avite scritto

ch'Assuntulella chiamma

chi ll'ha lassata e sta luntana ancora...

Che v'aggi''a dí? Si 'e figlie vònno 'a mamma,

facítela turná chella "signora".

Io no, nun torno...mme ne resto fore

e resto a faticá pe' tuttuquante.

I', ch'aggio perzo patria, casa e onore,

i' só' carne 'e maciello: Só' emigrante!

E nce ne costa lacreme st'America

a nuje Napulitane!...

Pe' nuje ca ce chiagnimmo 'o cielo 'e Napule,

comm'è amaro stu ppane!