Dr. Drer & CRC Posse - "Su sardu alfabetu" video free download

de su discu COSA BELLA FRISCA http://soundcloud.com/crcposse/sets/dr-drer-crc-posse-cosa-bella/ po info e cuncertus: [email protected]

PRODUSIDURA: "Terra de Punt" (http://www.terradepunt.it/) e "Areavisuale" impari a "Associazione Babel"

ARGUMENTU: Tore Cubeddu

REGIA: Tore Cubeddu, Paolo Carboni

FOTOGRAFIA: Paolo Carboni

Fueddus/Testo:

Ascurta custas rimas a chilometrus zeru

Acentus e variantis innoi est totu beru

BIddas e citadis, BIxinau e pratza

CIrca beni beni nCI nd'est de dònnia arratza

DInnidadi uguali tenit donniuna

E funt totus cantus una lìngua comuna

E FAit a si cumprendi Surcis e Logudoru

E FAit a chistionai donniunu a modu insoru

GI mi praxit pagu custu GIogu portu ainnantis

GIogu cun is fueddus, vocalis e cunsonantis

ACA est in mesu o a s'acabu de is fueddus

A CA scint fai s'hip hop in sardu is piciocheddus

A Bi Ci Di E! ita parrit? ita nc'est?

Ella Emma Enna O Pi! in dònnia logu e in dònnia dii

impera su sardu alfabetu, ca ti fait profetu, rimas versus e mutetu

cussus chi ti nant ca est unu dialetu, narant "su fungu" invecis ca bulletu

Internatzionali fueddendi campidanesu

Ingresu, italianu, spanniolu... e unu pagu 'e olandesu!

(J)O 'TA cosa bella frisca est una lìngua bia

E(L) LAstima ca calincunu dd'iat proibia

EM' A bolli biri bilinguismu in sa citadi mia

E(N) NAi potecaria E(N) NAi ofelleria

Oindii mi parrit perOu de biri ancora

is chi PIstànt sa manu a is PIpius me in s'iscola

A Bi Ci Di E! ita parrit? ita nc'est?

Ella Emma Enna O Pi! in dònnia logu e in dònnia dii

impera su sardu alfabetu, ca ti fait profetu, rimas versus e mutetu

cussus chi ti nant ca est unu dialetu, narant "petardu" invecis ca cuetu

E(S) SA chistioni dda cumprendis prus a fundu

TI pentzas ca su sardu est studiau in mesu mundu

Universidadis in Germània e in Tokio

VoUlez vous parler avec moi sardo?

X est imperada sceti in mesu 'e su fueddu

X duus candu giogat in foras su Casteddu

ZEru is chilometrus ca at fatu custa rima

ZETA invecis est sa de bintiduus lìteras

A Bi Ci Di E! ita parrit? ita nc'est?

Ella Emma Enna O Pi! in dònnia logu e in dònnia dii

impera su sardu alfabetu, ca ti fait profetu, rimas versus e mutetu

cussus chi ti nant ca est unu dialetu, narant "dritu" invecis ca deretu

A Bi Ci Di E! ita parrit? ita nc'est?

Ella Emma Enna O Pi! in dònnia logu e in dònnia dii

impera su sardu alfabetu, ca ti fait profetu, rimas versus e mutetu

cussus chi ti nant ca est unu dialetu, narant "dritu" invecis ca deretu