Capeccapa - Storia nova (Caparbi Album) video free download

CAPECCAPA - STORIA NOVA (TESTO)

'O sole trase 'e renza / fa luce dint' 'a stanza / m' affaccio d' 'o balcone e veco 'a gente d' 'o rione / ch' arapeno 'e purtune / 'e scugnizziell' jocano a pallone / sunnann 'e addeventà comm' 'a Maradona.

Saglie 'o cafè e sento l'addore / pure l'aria se 'nfoca vott' calore 'o cielo cagn' culore / 'na femmena pronta cu 'e pezze pe' pulezzà 'a casa / se 'ncazza e fà 'a pazza se 'a figlia ancora nun se sose.

Pann' spase ancora n'fuse / Donna Rosa o' pian 'e sott' allucca e n' tene tuorto / pecchè ll'acqua scorre annanz' 'a porta / ce sta chi accatta, chi venn e ije sente / "Signò acalate ca' dimane nun ce vengo".

Addore e ragù / 'na mamma chiamma: Guagliù! / è pront' 'o piatt' a tavola / e lloro s' n' saglieno pecchè l'orario 'o sapeno / 'e ddoje a chest' ora se magn' a Napule!

Da quann sponta 'o sole / a quann lassa 'o posto a' luna / da copp' a 'stu balcone / veco ch' cagnano 'e scene / e n'ce stanno cupiune, è semp' tutt 'mpruvvisato / ogni juorno 'na storia nova ogni juorno 'na sceneggiata.

Cagnano 'e scenografie, l'atture 'e custume chiu' adatte / intanto cu 'sta gente s'accummencia 'o sicond' atto / 'e femmene posano 'e pezze e se mettono 'e tacchi / 'e gonne cu 'o spacco / e si e capille so' luongh 'e 'ttaccano.

Che burdello / motorini, machine chi sgomma, chi 'mpenna / tarantelle / s' n' dann mazzate pe' mezz d'e guagliuncelle / tra chi s'ha tirato pure 'e cervell / e chi s' accappotta p' 'e guarattelle.

Fore 'a notte è cchiù bella / for a nu bar dimmane chi dimane nun tene 'a fatica ca l'aspetta / l'urdema sigarett pe' chi se mett' int' 'o lietto / vasa 'e figlie 'a rint' 'o suonno e 'a mugliera s' 'a stregne 'mpietto.

Sott' 'e cuperte, cu l'uocchie e 'a ment' aperta / pensanno 'e spese, 'o pesone 'e casa, 'e bullett / sperann' ca po' n'zuonno te vene a truvà nu muort' / pe te fa piglià tre nummere 'o banculotto.

Da quann sponta 'o sole / a quann lassa 'o posto a' luna / da copp' a 'stu balcone / veco ch' cagnano 'e scene / e n'ce stanno cupiune, è semp' tutt 'mpruvvisato / ogni juorno 'na storia nova ogni juorno 'na sceneggiata.

Acquista l'album "Caparbi" su Itunes:

https://itunes.apple.com/it/album/caparbi/id683684373