Oʻzbekiston xalq shoiri Xurshid Davron 1952-yil 20-yanvarda Samarqand shahri yaqinidagi Chordara qishlogʻida tugʻilgan. Shoir, dramaturg, tarixchshunos, yozuvchi va tarjimon. Adabiyot sohasida beriladigan Mahmud Koshg'ariy nomidagi Xalqaro mukofot (1989), Xalqaro "Oltin qalam" mukofoti (2009), Ozarbayjonning Mikoyil Mushfiq mukofoti (5.06.2013) bilan taqdirlangan. O'zbekiston Respublikası Milliy Majlisining deputatı (2004).«Do'stlik» ordeni b-n mukofotlangan. (1997).
Samarqand tumanidagi 2-sakkiz yillik, 1-o'rta maktabda tahsil olgan (1959-1969).1969-yilda Toshkent universitetining jurnalistika fakultetini tugatgan.1971-1973 yillarda harbiy xizmatni o'tagan. Uzoq yillar (1974-1989) nashriyot sohasida, Maʼnaviyat va maʼrifat markazida faoliyat yuritgan. 1996-yildan O'zbеkiston Milliy teleradiokompaniyasida ishlab kelmoqda.
Xurshid Davron 90-yillarda she'riyatdan koʻra nasriy janrlarda samarali ijod qildi. U oʻtmishda yashagan unutilmas tarixiy siymolar hayoti va faoliyati bilan qiziqib, ular haqidagi moʻtabar qoʻlyozma manbalar bilan tanishdi. Bu qiziqish natijasida 'Bibixonim qissasi yoki tugamagan dostonʼ (1990), 'Samarqand xayoli' (1989), 'Sohibqiron nabirasi' (1995), 'Shahidlar shohi yoki Shayx Kubro tushlari' (1998) kabi tarixiy-maʼrifiy qissa va 'Algʻul' (1995), 'Sogʻinch' (1996) pyesalarini yaratdi. Xurshid Davron bu asarlari bilan 90-yillarda Oʻzbekistonda tarixiy oʻtmishga boʻlgan munosabatning yana ham qizgʻin tus olishiga munosib hissa qoʻshdi.
Adib ayni paytda Samarqandda boʻlib oʻtgan Amir Tеmurning 660, Ulugʻbekning 600-yilligiga, Parijda YUNESKO qarorgohida, 'Odeonʼ teatrida namoyish etilgan Buxoro va Xivaning 2500 yilligiga bagʻishlab oʻtkazilgan teatrlashtirilgan tomoshalar va 21 qismli 'Temurnomaʼ, 2 qismli 'Buxoroyi Sharif' videofilmlari ssenariylari muallifi. Sharq va Gʻarb shoirlarining asarlaridan iborat 'Qirq bir oshiq daftari' (1989) va yapon shoirlarining she'rlaridan tarkib topgan 'Dengiz yaproqlari' (1988) toʻplamlarini oʻzbek tiliga tarjima qilgan.
Xurshid Davron she'rlari 40 dan ortiq xorijiy tillarga tarjima qilingan. Uning kitoblari va she'rlari Azarbayjon, Pol`sha, Xitoy, Bolgariya, Rossiya, Turkiya, Eron, Frantsiya, Ispaniya, AQSH, Yaponiya, Mo'g'iliston, Hindiston, Germaniya, Latviya, Litva, Tojikiston,Qirg'iziston,Turkmaniston va boshqa davlatlarda nashr etilgan. Xurshid Davron 1993 yilda Turkiyaning Bursa shahrida bo'lib o'tgan Birinchi Turkiy shoirlar anjumanida, 1996 yilda Vashingtonda bo'lib o'tgan Osiyo adiblari kongressida,Rossiya, Pol'sha, Bolgariya, Koreyada o'tkazilgan poeziya festivallarida ishtirok etgan.
Chop etilgan kitoblari:
Qadrdon quyosh. Sheʼrlar. T., 1979
Shahardagi olma daraxti. Sheʼrlar. T., 1979
Tungi bogʻlar. Sheʼrlar. T., 1981
Uchib boraman qushlar bilan.Sheʼrlar. T., 1983
Toʻmarisning koʻzlari.Sheʼrlar va doston. T., 1984
Bolalikning ovozi.Sheʼrlar. T., 1986
Qaqnus.Sheʼrlar va doston. T., 1987
Polet odinokoy ptitsi. Sbornik stixov na russkom yazike. T., 1989
Samarqand xayoli. Maʼrifiy maqolalar, esselar va tarixiy qissalar. T., 1991
Sohibqiron nabirasi. Tarixiy hikoylar va qissalar. T,1995
Shahidlar shohi-Shayx Kubro tushlari. Tarixiy-maʼrifiy qissa. T., 1998
Bahordan bir kun oldin. Sheʼrlar va tarjimalar. T., 1997
Bibixonim qissasi. Tarixiy hikoyalar va qissalar. T.,2007
Shayx Kubro tushlari. Tarixiy-maʼrifiy qissa, ikkinchi nasr. T., 2008
Televizion,radio va drama asarlari
Temurnoma. 21 qismmli televizion serial (1996).
İpak Yo'lu. Musiqiy-xoreografik badiiy kompozitsiya. "Odeon" teatri, Parij, Fransiya (1997)
Buxoroyi Sharif. 2 qismli musiqiy film-opera (1997).
Jaloliddin Xorazmshoh.(No'mıkq Kamol asari asosida) 5 qismmli televizion film.(1998)
Ming bir rivoyat. Televizion loyiha. (1995-2013)
Mirzo Ulug'bek. Radyop'esa. (2008)
Boburshoh yoxud Sog'inch. Radyop'esa. (2005)
Alg'ul (Mirzo Ulug'bek). 2 qismli televizyon spektakl. (2009)
Alg'ul (Mirzo Ulug'bek). "Sharq yulduzi" jurnali,2012 yil,1-son
Tarjimalari
Nikolay Zabolotskiy. Turnalar. Sheʼrlar. Toshkent. 1985
Maris Chaklays. Otoʻyin. Toshkent. 1986
Dengiz yaproqlari. Yapon sheʼriyati antologiyasi. Toshkent. 1988
Qirq oshiq daftari. Toshkent. 1989
Edigey. Tatar xalq dostoni.,"Jahon adabiyoti",2012 yil,11-son
5 years ago
5 years ago
5 years ago
6 years ago
6 years ago
6 years ago
6 years ago
6 years ago
6 years ago
6 years ago
6 years ago
6 years ago
6 years ago
6 years ago
6 years ago
6 years ago