Aspaldian utzitako zelda - Berri Txarrak video free download

Letra: Joseba Sarrionandia

Jakin nahiko nuke nork betetzen duen orain

nik utzitako zelda.

Ea entelegatzen duen hormako izkribu tipia:

"eroria burrukara".

Ea alboko zeldatik inork hots egiten dion

komuneko plastikozko tuberia soltatuz

telefonoz bezala mintzatzeko.

Ea hango egunak eternal dirauen,

gauzak izotzezko,

egunsentiak esne garratza diren.

Ez errekuentoan mirilatik so

egiten duen begiak (surveillir et punir)

inor ikusten duen edo iadanik inor ere ez

(denak ala inor ez).

Jakin nahi nuke ihes egin genuenok

benetan ihes egin genuen

ala ihes egitearena zelda hartan jarraitzeko

atxakia hutsa izan zen.