MORE, VINO I GITARA
Barka drvena, belo-kafena
Suncobran, Tomos motorić
Žmuj stakleni, šugaman črjeni
Jena divojka i mladić
Pomidor, pašteta, kruh i škatuleta
Za nedajbog vesla dva
Aš preko na škoje diše se boje
Partili su z Preluka
Tu i tamo ka barka pasa
Ona je srećna, on njoj kanta
Ti i ja, more, vino i gitara
Vela jubav, a leto diši
I jena mići barka stara
Samo ribi znaju ča smo delali
Dva gola tela i smokva vela
Črčki, svećurkice tri
Mesec i zvezdi, svetlo jedino
Nebo golo ko oni
Tu i tamo ka barka pasa
Motorić ne dela, pa vesla ona
Ti i ja more, vino i gitara
Vela jubav, a leto diši
I jena vela smokva stara
Samo tići znaju ča smo delali
Zora sviće, kućice miće
Sunce, zlatni gradić
Prošjani drvene, plave, zelene
Ribari i portić
Tu i tamo ka nona pasa
Ona je srećna, on i daje kanta
Ti i ja more, vino i gitara
Vela jubav, a leto diši
I jena mica kuća stara
Samo zidi znaju ča smo delali.
…barka, smokva i kuća stara
Sada već svi znaju ča smo delali.
Nikega ni briga ča smo delali!
TEKST, GLAZBA I ARANŽMAN: Mauro Staraj